آخر الأخبار
جوهرة العرب
الشاعر شاهر بن سعيد بن شاهر وقصيدة ياحي نو
يا حـــي نـــوٍ مقـبلاتٍ نـصوبه
نسمع لصوت الرعد فيه ارتهاجي
جـتـنـا سيوله والخــلايق دروبه
والعسر ما بعده يكون انفراجي
مابه علينا في القوافي صعوبه
تمشي على ذوقي ورغبة مزاجي
والشاعر اللي ما يـوكـد دروبه
يضيع وقته مالقى له خراجي
عـــزاه يا قـلبٍ تكـاثـر ذنــوبـه
وان ما رحمه الله فلا هو بناجي
نرجي من الله يا محمد مثوبه
ونخاف دربٍ تاليته انعواجي
وانا مع المغرب وساعة غروبه
بطرد ظلام الليل واشعل سراجي
واللي يذوق التمر يعشق عسوبه
واللي يبي يحميه حط السياجي
لكن وقت فـات يشعل حـروبه
يبغى يعكر ضحكتي وابتهاجي
الحُب قيض قـد كـوتـنا لهـوبه
وسوالف العشاق تلقى رواجي
من الشمال الين قاصي جنوبه
معروفةٍ قصة عقاب العواجي
لكن في سلم العـرب والعروبه
ما كُــل حُب تاليته الـزواجـي
كم عاشقٍ بين الاوادم حكو به
عقله مع الايام جاه ارتجـاجي
..
جميع الحقوق محفوظة لموقع جوهرة العرب الإخباري © 2022
للتواصل
arab.news.j@hotmail.com
واتساب
00962772221060 الاردن 00971505665496 الامارات
للتواصل
arab.news.j@hotmail.com
واتساب
00962772221060 الاردن 00971505665496 الامارات
تصميم و تطوير 