آخر الأخبار
جوهرة العرب
قصيدة يالله للشاعر محمد مناور الوهبي ..فيديو
يا الله بنوٍ من المنشا شبوبه
رفيف برقه لقبل الليل داجي
لا لدت انظار المخاليق صوبه
بطراف برقه للصباح انبلاجي
كنه عمى ما يميز الدرب دوبه
ومن ثقل حمله كن فيه انبعاجي
لداعبت راس المعنى هبوبه
نسايمٍ للراس طب وعلاجي
تسوق غره للهنوف اللعوبه
اللي لها في مهجة القلب عاجي
عشرين ليلة مرهين في صبوبه
صبه قراحٍ مايصب الهماجي
الجادل اللي لا شعاها رحوبه
اللي هواها بين الاضلاع لاجي
عنقا دقيقة خصر فيها عذوبه
كن العطر من مبسم اشفاه فاجي
الله يا ابو ثامر خلقها عقوبة
انا دخيلك دام قلبي زجاجي
وش حيلة اللي ضايقٍ فيه ثوبه
معلوق صدره عن مراكيه ماجي
صدري على لاماه همه يلوبه
ما ينفعه لو دجت فيه الفجاجي
كل ما بغيت اعلن عن الحب توبه
هجرع حنين القلب والدمع راجي
جميع الحقوق محفوظة لموقع جوهرة العرب الإخباري © 2022
تصميم و تطوير 