آخر الأخبار
جوهرة العرب : رفيقك اللي تعرفه لا تخليه
رفيقك اللي تعرفه لا تخليـــــــــــه
اصبر عليه وخلك اغطـــاه وارداه
اللي الى من الزمن شان تاليـــــــه
يرفاك ويعينك على شين بلـــــــواه
الصافي الوافي الا حل طاريــــــه
معدن اصيل وكالذهب يوم تلقــــاه
ان غبت يسال عنك طير وخباريه
واذا لقاك اشعرك بالود بحجــــــاه
واذا نطق يسعد ويذكر حكاويـــــه
ايام مرت بين عسره ويســـــــراه
له وقفة المخلص وللراي يسديـــه
مع الحشيمه لين شافك تعلـــــــواه
ما له ثمن رفيقك الله يخليـــــــــــه
لا اياك تنسى الود وسنين وايــــاه
رفيقك اللي تعرفه لا تخليــــــــــه
اصبر عليه وخلك اغطــاه وارداه
حمد بن عبد الله العقيل
جميع الحقوق محفوظة لموقع جوهرة العرب الإخباري © 2022
تصميم و تطوير 