آخر الأخبار
جوهرة العرب :
جبر الخواطر
جبر الخواطر من كبار العطايا
يالي تشحون بعطاكم علي وين
أخلفتم الهقوات ليه السوايا
عقولكم جنّة مع نقص بالدين
أنفاسنا فيها الحزن مع كوايا
بسبابكم يالي بالأفعال شينين
نصبر علي المخطي وشين الحلايا
بوسط صدري جمر مثل البراكين
القلب به غصّه وعيني مرايا
ياقاطعين الودّ أنتم مساكين
وين التسامح وين حسن النوايا
ليه التشاحن صار بعيونكم زين
شبنا من إكثار الحكى والخطايا
وشبنا من علوم بها جرح سكين
أما نعيش بخير مثل البرايا
ولا نجنبكم ونصبر علي البين
بدر فلاح الحلفي