آخر الأخبار
جوهرة العرب : محمد راشد العويلي
على درب الهمم عزمي عصاتي والقصيد حزام
أخذت من النخيل اللي تحف الدرب معلومه
يموت النخل واقف مارضخ من قسوة الأيام
شموخه بالحياة أنتج ممات(ن) تبغظ خصومه
تدرهم باقي أيامه لكن ماهمه الدرهام
يعيش وهامته هامة بطل ماتضعف عزومه
ي نخل بلاد يسقيها الحزن واتخضر الالام
شموخ اطباعنا يرفض على تاريخك السومه
تعلمنا من الواقع عكس ماتجلب الأحلام
و آمنا بأن أرزاقنا بالغيب مقسومه
نحب الجوع لامنه سترنا مثل ستر الخام
وكرهنا شبعة الطاغي نموت ونرفض هدومه
رضينا بالقضاء اللي يجينا والضروف احكام
ندش البحر مركبنا الأماني والصبر عومه
زهاب ارواحنا بيض النوايا والطموح أعلام
خذينا عزت الانفس من الديوان وسلومه
عرب نستلهم الغيره من القعقاع و الصمصام
حداهم طلق الدنيا وهو متصدر(ن) قومه
وصحيح ان السيوف اكبر دعم في نهضة الاسلام
ولأكن كانت أسيوف(ن)ب حكم الشرع محكومه
عكس بعظ السيوف اللي تسل النصرة الأوهام
نقر و نعتقد انها سيوف اعداء مثلومه
على ذكر النخيل وهيبته حالي مابين اسهام
امد كفوف يكسيها الرجا بيضاء محرومه
الى الله الكريم المعطي الغفار و العلام
يغفر الذنب والعبد /الموحد يجلي همومه