آخر الأخبار
جوهرة العرب
الشاعر نومان سحل العنزي
مواليد عرعر 1393
نشأَ في اسرة ادبية وشعرية
جده والد امه (ذياب الهذلي ) وهو من الشعراء المشهورين
اخواله شعراء. وابناء خاله شعراء لهم جمهور خاص ولهم بصمه واضحه
المشاركات الأدبية
مسابقه شاعر الملك ووصلت للمرحله ماقبل النهائيه
ومسابقه شعراء عنزه لليوم الوطني
امسيات ادبيه تحت رعايه جمعيه الثقافه والفنون في الحدود الشماليه
امسيات خارج السعودية
شارك في مسابقات ادبيه كثيرة كناقد
وفي محافل اجتماعيه كثيره داخل السعوية وخارجها
العضويات
مؤسس ملتقى الابداع الادبي
عضو نقد في شعراء العرب
عضو ومستشار ادبي بالمجلس العربي للادباء والشعراء والمثقفين
عضو منتدى الملك سلمان الرسمي
عضو الجمعيه السعوديه لرعاية الطفوله
عضو المركز السعودي لزراعة الاعضاء
قصائد للشاعر نومان سحل العنزي
صمت المكان
رغم انف طغيان الجناة الطحاطيـح
والله كبيـرة يامعاقـل صـروحـي
صدي الظروف العاتية واهزمي الريح
عيشي معايا في طلاسـم وضوحـي
الوقـت ارعـن والليالـي مشافيـح
صمت المكان يفوق صمته طموحـي
صنـدوق قلبـي ماتفكـه مفاتيـح
دونه ضلـوع صافنـات جموحـي
لابـارك الله بالوجيـه المكالـيـح
سود القلوب اللـي تبنـو جروحـي
قفو بأعـذب فاتنـة ريمـة السيـح
الجـادل اللـي ماتمنـت نزوحـي
قفّت وانا اشوف الدموع المسافيـح
ماكني اسمـع سالفتهـا ولا اوحـي
مابين اصيح وبين ابصبر ولا اصيح
مثل الذي مابيـن صمتـي وبوحـي
حضّي عجوز تمشي شوي وتطيـح
هي عنكبوت وسلكها خيـط روحـي
الحـر مايحـرث حقـول الفلاليـح
ماهو على هـزل النوايـا كدوحـي
ياصمتـي العاجـز يكفيـك تلميـح
لو تظهر العفـه سكوتـك ذبوحـي
هدوء قبل العاصفـة دون توضيـح
دمعة قهر تسبـق تقاطيـع نوحـي
اعاني الديجـور ويـن المصابيـح
عجزت احصلّلي صديـقٍ نصوحـي
ماعدت اطيقـك ياحنـان التماسيـح
السـم بأنيابـك ودمعـك سفوحـي
وين انت ياللي تسكن القلب وتريـح
يسعد خفوقي شوف وجه سموحـي
الناس تفـرح مـادرو بالمجاريـح
وانا خفوقي بيـن حدبـه يفوحـي
اعصر صديد المهزلة واخرج القيـح
مايستفيـد الا لـسـانٍ لحوحي
نومان سحل
(فقيرة حال )
نعم يا عنفوان الماء وياعزة صهيل الخيل
عطيني الفاس ابمسكها الين تعرق ايديني
ابحفر وازرع بصدر الثرا نورٍ ينير الليـل
واذا ماطاوعت يـدي ابقطعهـا بسكينـي
اذا كان الفقر مثلك هلابه وأعشقه بالحيـل
اذا كنتي معي جنبي رغيفة خبـز تكفينـي
فلاعاب الفقر قبلـي نبـيٍ كلمـه جبريـل
رعى فيها الغنم والله اصطفاه يعلم الديني
ولا عاب الفقر هاجر وطفلٍ يبكي من الويل
دعت يالله نبي عطفك أنا والطفل تسقينـي
وثار الماء تحت رجله لبدواان تجي وتشيل
سقاه الله وغاث أمه وبدل عسرهـم لينـي
واذا كان البنات اقفن زمان بمترف التدليل
اذا قالن فقيرة حال قولي وش لكن فينـي
اذا كان الترف فيكن وزدتن بالترف تبجيل
انا افخر اذا قيل الفقر أول عناويني
واذا كان اللبس منكن تحكمه معطيات الجيل
أنا لبسي من أنواع الزهر أحلى فساتينـي
واذا كان العطر منكن دخل في عالم التحليل
أنا عطري سمن بري وورده مني وفينـي
واذا كان الفكر منكن غزاه محرف الأنجيل
أنا فكري ومبداي ومعي قـرآن يحمينـي
نعم ياالغالية قولي وقولك ما يبـي تعليـل
عرق جبين ماجف اعتبره اكبـر براهينـي
ياحلو اللقمة المره عرقها بالجبين ايسيـل
تجي مثل العسل واحلى تعبها ما يعنينـي
اطارد لقمة العيش بكفااح من الفجر لليـل
واجي والخير في يدي وريح الخير تحييني
واشاطرك الفرح واذبح زمانٍ بادرك بالميل
واحط ايديني بيدك اليـن تعـرق ايدينـي
نومان سحل
صرح ممرد
بنيت لك بيتٍ اساسه من الطين
قواعده صلبه وقاعه متينه
بيتٍ رحب ما يجتمع فيه شخصين
انتي لحالك يا(هيا) تسكنينه
بسم الله اقرأ عن جداره من العين
لبنه طمأنينه ولبنه سكينه
صرحٍ ممرد من زهور ورياحين
عسا السعاده ما تفارق سنينه
انا طلبتك لا وصلتيه تكفين
استاذني نفسك قبل تدخلينه
مفتاحه احساسك كثر ما تحسّين
يفتح لك ابواب العهود الثمينه
فكي شراع العاطفه لا تخافين
كل المشاعر في ايادي امينه
لك الامان انّي على ما تمنّين
ملح البحر ماطب جوف السفينه
نطلق مشاعرنا ونبقى مجانين
حرام تبقى في جسدها سجينه
نومان سحل
جميع الحقوق محفوظة لموقع جوهرة العرب الإخباري © 2022
تصميم و تطوير 