آخر الأخبار
جوهرة العرب
ابيات لشعراء ملتقى الابداع الادبي في الملك سلمان بن عبدالعزيز ملك الحزم والعزم
في نظرتك هيبه وفي وقفتك عز
وفي كلمتك راي وشموخ وعزيمه
كل الدول لا قيل سلمان تهتز
حاكم عظيم يقود دوله عظيمه
نومان سحل
يا خادمٍ مكة وطيبة دمت في حفظ العظيم
والله ما مثلك على وجه الثراء يمشي ملك
انته كريمٍ كرمك ربي معك شعب كريم
تستاهل انك له ملك وهو بعد يستاهلك
المهدي تركي الرياحي
هذا ملك حاكم وعادل ومقدام
واسمه فخر. للملكه والعروبه
إليا حضر يرعب قبايل ( وحكام )
وافعاله إلكل الشعوب امحبوبه
نورة العلي
حي راسٍ كل من شافه يهابه
ياكبير الجاه يالفذ الصتيمه
خادمٍ دينه على زمّة شبابه
لين صارت دولته دوله عضيمه
ضيف الله صالح الضوي
سلمان يا وارث من المجد الامجاد
الله يعزك وانت للدار عاهل
للسيف الاجرب فعل من وقت الاجداد
من ضربته يرجع من الطيش جاهل
عبدالله المفضلي
سمح المحيا رفيع الشأن روح السلام
نفحات جوده على العالم صباح ومساء
والحزم والعزم والتقدير والاحترام
جبلة فيه .. لانَ الوقت والا قسا
عبدالله الذيابي
تصمت حروف الشعر لا جيت باقول
مــــدري خــيـانـة فــكـر والا مـهـابـه
هـذا زعـيم الارض بـالعرض والطول
امــنـوخ ركـــاب الـفـخـر عــنـد بـابـه
فرج العجمي
دار عز ودار هيبه واحترام
والملك في خطوته دايم ملك
عزه الله فـ خدمة البيت الحرام
والعدو في عهد سلمان يهلك
الشامخه
ياخـادم البيتيـن ياسيـد العٌـرب
ياعدل ملك جميع شعبـه رضابـه
ياسيـدي والله نحبـك مـن القلـب
الله امرنـا بطاعتـك فـي كتابـه
عواد سجل
هـذا المــلـيـك اللي له العلّم ياقف
خـــادم بيـوت الله زبن المــلاهيف
ذا ســيدي تشــهد جميع المواقف
ذا درع نجدودرع الاسلام والسيف
عبيد المرزوقي
مملكتنا بيد صناع القرار
ارتقت للمجد في وقتٍ وجيز
بالتقدم والرقي والإزدهار
في عهد سلمان بن عبدالعزيز
محمدمهدي اليامي
تبي تشوف الفخر في هيئة انسان
ناظر بعينك شوف صقر العروبه
ذروة سنام المجد والعز سلمان
يالي تبي العليا تتبع دروبه
منصور الحارقي
#منتدى_الملك_سلمان_الرسمي
جميع الحقوق محفوظة لموقع جوهرة العرب الإخباري © 2022
تصميم و تطوير 