آخر الأخبار
جوهرة العرب
من لا يشكر الناس لايشكر الله
إن فضل المملكه علينا كسوريين لاينكره الا جاحد. عشنا ولازلنا نعيش فيها بأمن وأمان وكرامة .
هذي القصيده إهداء بمناسبة اليوم الوطني ٩١ نشرتها العام الماضي واعيد نشرها اليوم . اهداء مني ومن كل سوري مقيم وزائر على أرض المملكه.
من الشام إلى قبلة الإسلام
جيت أطيّر بالفرح سرب الحمام
وارسل من الشام عشقٍ مانضب
للبلاد اللي لها حبّ وهيام
موطن الإسلام ... ماهو مغتَرب
عاد عيد المملكة ألفين عام
يابلادٍ صيتها مثل الذهب
التحايا والتهاني والسلام
للديار اللي بها العزّ .. انكتب
بيرق التوحيد بعيون الأنام
شامخٍ تحرسْه.. بجفون وهدب
للعدو (سيفين) لاحان الخصام
او لحدّ المملكة ..جاه وقرب
و( نخلةٍ) للضيف ..لو طال الصيام
يستظلّ بظلّها وياكل رطب
و(الخضار )قلوب ..تبني له خيام
طيب ملفى .. اللي من همومه هرب
من زبن في ظلّها لا مايضام
كم كريم بفيّها عاش وشرب
اشهد إنّا لسبعة سنينٍ كرام
في ضيافة ..من اذا غالب غلب
والجمايل مايوفّيها الكلام
دون مكّة كلّنا عند الطلب
قالو أول كل مقالٍ له مقام
والمقام اليوم له شعري وجب
(دام عزك ياوطن ) فوق الغمام
ودام عز المملكة ..عز العرب
التهاني والأماني والسلام
سقتها من الشام في شعر وأدب
مانساوم في ولانا ..ذا وسام
للديار اللي لها المجد انخطب
ومانخون المملكة ولّا الامام
لو يخون الدمّ لحمه والعصب
دون مكّة سور بأرواح وعظام
من ضلوع أعدائها نشب الحطب
يوم كسرى أنكسر قبل ألف عام
غنّت الدحّة على راسه طرب
وكان كسرى اليوم له عزم ومرام
فوق راسه يعزف السيف الحدب
بيد من سرى على العليا حسام
قصّ به روس الافاعي .. م نغلب
الملك سلمان ويمينه همام
شبله محمد ليا صوب عطب
والسلام ختام في مسك الختام
دام عزّ اللي بها ... عز العرب
والسلام ختام في مسك الختام
دام عز المملكة عز العرب
*عدي الدهمشي العنزي*