طبيعة النشأة للزوجين وتأثرها علي الحياة الزوجية كتبت د.نشوى فوده

في بداية الزواج بيحصل مشاكل كتير في بيوت الشباب المتجوزين عن قريب..ماهوالسبب الرئيسي في حدوث تلك المشاكل السبب الرئيسي والأساسي هو إختلاف طبيعة النشأة والتربية بين الزوج والزوجة 

مثلا ... تربية البنت في بيت الأسرة فيه بتكون حنينة وعاطفيين جدا .. بيعبروا عن مشاعرهم بشكل كويس من خلال الكلام وعطفوهم حنيتهم علي البنت وغيره...وأما البنت اول لما تتجوزت شاب اتربى في بيت عملي جدا خلي من المشاعر والناس في هذا البيت لا تجيد التعبير ... فهو لا يجيد التعبير عن مشاعره ولا يهتم بالتفاصيل النفسية في التواصل.. إنتم متخيلين ما مدى كمية المشاكل اللي ممكن تحصل بينهم بسبب اختلاف طبيعة النشأة؟

كان معايا حالة بين زوجين .. سبب المشكلة الأصلي بينهم ان الزوجة اتربت في بيت الاب بيساعد الأم في كل تفاصيل البيت ورعاية الاولاد وإيده في إيديها في كل حاجة ويشاركها وكل ده بحب وعطف وحنان لأن الزوج إتربى في بيت الاب فيه دوره متمحور انه يروح الشغل يجيب فلوس ولا يكاد يكون ليه دور في أي حاجة تانية .. وكانت الأم شايلة مسئولية كل التفاصيل .. فالزوجة منتظرة ان جوزها يعمل زي ما باباها كان بيعمل ... والزوج كان بيحاول يساعدها ورغم انه جاي على نفسه (من وجهة نظره وبناءا على طبيعة نشأته الاسرية)... الا انه كان بيعمله لا يرضي الزوجة .. فهي طول الوقت شايفاه مقصر ومحمل عليها كافة متطلبات الحياة الزوجية ... وهو طول الوقت شايفها طلباتها كتير وهي غير راضية

والمشكلة ان الموضوع كله بيتفهم انه اختلاف في طبيعة النشاة … لكن بيبقى بوابة للدخول في مساحة سوء الظن والقاء الاتهامات

طبيعة النشأة أحد العوامل المؤثرة في تصورنا عن الحياة الزوجية.... فمهم اننا ناخد بالنا من النقطة دي واحنا مقبلين على الزواج .

نصيحة وانتوا بتجوزوا أولادكم ضعوا في الحسبان طبيعة النشأة