آخر الأخبار
جوهرة العرب
إن جف حبر القلم عن التعبير يكتبكم ،إحساس قلب به صفاء الحب تعبيراً عن أصول فن الإبداع الإنساني , التي تلوح في سمائنا دوماً كنجوم براقة لا يخفت بريقها عنا لحظة واحدة.
إنه الفنان صاحب الصوت الجميل هيثم بالطيب و أحد من أهم أصوات الشبابية إلتقينا بيه في حوار خاص بعد غياب طويل
1) أهلاً بك أستاذ هيثم ، يشرفنا وجودك معنا اليوم. بداية، نود أن نعرف أكثر عنك كفنان ومطرب.
هيثم بالطيب فنان تونسي بديت كيما برشة فنانين مالصغرة نغني في الدار في المدرسة مبعد كبرت مشيت قريت الموسيقى في سيدي صابر 4 سنوات ودخلت في الاعراس توة عندي 25 سنة في الميدان الفني
2) ما هي نوعية الأغاني التي
منحبش نقيد روحي بنوع معين من الموسيقى أي غناية حلوة نحب نسجلها ونغنيها انا بالاساس موسيقى وترية ونحب نوضفها في في ستيل الجديد تراب ولا ريقي المهم تكون واصلة للكبار والصغار
بالنسبة الرسالة نقاومو الرداءة ونعملو mise à jour الموسيقى التونسية خاطر قاعدين ندورو في دوامة التكرار فما ناس قاعدة اطور في الموسيقى كيما وليد الصالحي يعطيه الصحة على اللي يعمل فيه حاجة تشرفت البلاد أما يلزم الكل ناقفو ونطورو الموسيقى التونسية
3)ما هي طموحاتك وأحلامك المستقبلية في مجال الفن؟
احلامي وطموحاتي أكيد نتعرف اكثر في بلادي مبعد بقدرة ربي نسعاو للانتشار عربيا
4) لماذا هذا الغياب عن المهرجانات التونسية
مازال شوية على المهرجانات يولي عندي رصيد باهي من الأغاني نولي نقدم المهرجانات انشاء الله
5) من دعم موهبتك؟
العائلة دعمتني في بداياتي مبعد أصحاب في ميدان الموسيقى ومالعباد لولى في الميدان نشكر الاستاذ عبد الباسط بالقايد اللي شجعني وقالي صوتك وحساسك حلوين استحفظ عليهم
6) ما هي الانتقادات التي تعرضت لها؟
أكيد باش نتعرض لبرشة انتقادات في بداياتي في الأداء هاذي أعمالها هاذي ماتعملهاش والحمد لله واحد مازال يتعلم وصلح من اخطاؤو لتوة أما تصلحها بينما وبين روحك خاطر بعد قداش من سنة في الميدان الجمهور مايسامحكش على الاغلاط يلزم نخلط للجمهور كل شي مريقل بقدرة ربي
7)احكي لنا عن أصعب وأسعد لحظة مررت بها؟
ههه باهي نبدى باصعب اللحظات أول مرة كي شديت الميكرو باش نغني وكنت نشارك في مسابقات الغناء نستنى النتيجة من اصعب اللحظات زادة ومن أسعد اللحظات كي يبداو ناس العرس فرحانين انا أكيد باش نفرح وكيف نعمل غناية ويحبوها الناس للكبار وصغار تقول الحمد الله تعبي مامشاش حرام
8)غنيت للحب وتراقصت على ترانيمه لكن هل وجدته في رحلتك الشاقة؟
هههه أكيد حبيت في حياتي وتحبيت كيما الناس الكل
9)وجه كلمة لكل شخص يسير في الطريق الفني.
تقول كل شخص يمشي في طريق الفن حب الفن متاعك اعطيه من روحك واحساسك ووقتك بقدرة ربي يعطيك وستحفظ على روحك
كلمة الختام
كلمة الختام ربي وفق كل واحد يخدم على روحو ونحبو بعضنا اكثر من هكة باش ربي ينزل بركتو علينا ونقول لبرشة ناس راهو كل واحد ورزقو في الدنيا هاذي ونشكر الناس اللي شجعتني وواقفة معايا حتى بالكلمة لحلوة وبذات الناس لحلوة اللي تعرفت عليهم في المواقع الاجتماعية وشكرا ليكم مرة
جميع الحقوق محفوظة لموقع جوهرة العرب الإخباري © 2022
للتواصل
arab.news.j@hotmail.com
واتساب
00962772221060 الاردن 00971505665496 الامارات
للتواصل
arab.news.j@hotmail.com
واتساب
00962772221060 الاردن 00971505665496 الامارات
تصميم و تطوير 