الدكتورة فرح شواورة عضو مجلس نقابة الأطباء توجه رسالة للحكومة بعد قرار خصم الرواتب

من أول يوم و لما الكل تخبى .. الطبيب اللي ما كان فيهم بالمستشفيات او بفرق الاستقصاء اجا عالنقابة ليوصل أدوية الناس اللي انقطعت و الحكومة ما كانت فاضيتلهم و يزورهم يعالجهم ببيوتهم و يطلع من الصبح لليل بسيارات الدفاع المدني يخفف ضغط عالطوارئ و بدون أجر غير أجر رب العباد ..

الجيش الأبيض اللي القروض هالكته و اقساط مدارس لولاده مش لاقي .. و اللي قاوم عقود عمل الخارج لأنه بلده أولى خصمو اليوم خُمس راتبه اللي يا دوب بدون خصم معيشه!

الجيش الأبيض اللي رح يقتله الجوع يا حكومة الاستعراض .. أبداً مش الكورونا."